P/f Skálafjarðartunnilin nýggjan stjóra

Jan Jakobsen, stjóri í Lív, er nú eisini stjóri í Skálafjarðartunlinum, sum Lív eigur. Hann tekur við eftir Olav Skaalum Guttesen, deildarleiðara í Eik Banka

17.07.2013 - 08:15

Eik átti helvtina av Skálafjarðartunlinum. Men fyrr í summar keypti Lív Eik úr partafelagnum, sum varð stovnað í 2006 við tí endamáli at byggja og reka fast samband millum Eysturoy og Suðurstreym og millum eystara og vestara arm á Skálafjørðinum.

Jan Jakobsen er eisini komin í nevndina í P/f Skálafjarðartunlinum fyri Poul Christoffur Thomassen, sum eitt skifti var stjóri í Lív.

Partapeningurin í Skálafjarðartunlinum er 11, 8 milliónir krónur.

Hóast P/f Skálafjarðartunnilin ikki longur kann fullføra endamálið, sum felagið varð stovnað at fremja, hevur tað ikki einki virði. Tað gjørdi nakrar forkanningar, millum annað kannaði tað havbotnin, har sum ætlanin var at bora tunnilin.

Hesar kanningar og hendan vitanin hjá felagnum er til sølu. Og Lív, sum eigur kanningarnar og vitanini, tí Lív eigur Skálafjarðartunnilin, eigur 20 prosent í felagnum, sum liggur fram við og hevur uppskot um sáttmála við landsstýrismannin í innlendismálum um at sleppa at gera og eiga tunnilin.

Landið eigur framvegis Lív 100 prosent.