Flogbóltur: Bermuda - Føroyar beinleiðis kl. 19.45

Føroysku kvinnurnar skulu í kvøld royna at spæla seg víðari í finaluna, sum helst verður ímóti Saaremaa, sum spælir hálvfinalu ímóti Grønlandi seinnapartin.

Føroyar spældu ímóti Bermuda á oyggjaleikum í bæði 2009 og í 2011. Í báðum førum vunnu Føroyar, men tær føroysku taptu sett í báðum dystum.

Í 2009 í Álandi vunnu flogbóltskvinnurnar gull, men tað var við biti og sliti, at tær komu víðari úr hálvfinaluni, har tær møttu júst Bermuda. Neyðugt var við fimm settum. Føroyar vunnu fimta settið 15-12.

Í Isle of Wight í 2011 spældu Føroyar móti Bermuda í bólkaspælinum. Tann dystin vunnu Føroyar 3-1-

Føroysku kvinnurnar hava enn ikki tapt nakað sett í kappingini. Tær hava vunnið allar bólkadystirnar (móti Guernsey, Grønlandi og Álandi) 3-0.

Bermuda, sum var í hinum bólkinum, vann tveir dystir 3-0 og tapti tann triðja 0-3 fyri Saaremaa.

Hálvfinalan millum Bermuda og Føroyar byrjar klokkan 19.45. Útvarpið byrjar at senda klokkan 19.40