Løgmaður veit framvegis ikki um milliónin er goldin

Nú 11 dagar eru farnir, síðani Copenhagen Infrastructure Partners skuldi fáa eina millión krónur, tí sáttmálin um Eysturoyartunnilin ikki varð undirskrivaður fyri 1.september, ber ikki til at fáa at vita, um milliónin er goldin ella ikki.

Løgmaður sigur í dag, at hann veit ikki, um milliónin er goldin.

Mikudagin í síðstu viku, sum var 11.september, segði løgmaður, at milliónin var ikki goldin.

Avtalað gjørd 27. juni

Á fundi millum løgmann og landsstýrismannin í innlendismálum og CIP tann 27.juni varð avtalað, at sum treyt fyri, at CIP ikki skuldi taka seg burtur úr samráðingunum alt fyri eitt, skuldi CIP hava eina millión, eitt " break fee", um sáttmálin ikki var undirskrivaður í síðsta lagi 31.august.

Sáttmálin er ikki undirskivaður enn. Og CIP skuldi hava milliónina í seinasta lagi 5.september. Eingin vil siga, um CIP hevur fingið milliónina.

CIP hevur ongar viðmerkingar. CIP bíðar eftir politiskari avgerð í Føroyum um tilboðið hjá CIP um at gera Eysturoyartunnilin.