Føroyingur við til at bjarga 141 flóttafólkum úr Sýria

Ein føroyskur skipari var við til at bjarga 141 flóttafólkum í farnu viku, tá ein bátur rak fyri vág og vind.

Tá danska farmaskipið, Seago Felixtowe, hjá reiðarínum Maersk var á veg gjøgnum Miðjarahavið í farnu viku, vóru teir boðsendir til ein bát, sum hevði sent neyðarkall út. Í bátinum vóru flóttafólk úr Sýria. Tilsamans 141 fólk vóru í bátinum, teirra millum 28 børn.

Línu á flóttafólkini

Skiparin á Seago Felixtowe, Heri Eysturtún Niclassen úr Vestmanna, gav allari manningini boð um at hjálpa flóttafólkunum. Ein landgongd varð løgd millum skipið og bátin, og lína varð gjørd á flóttafólkini, tí illveður var.

So hvørt sum flóttafólkini komu upp í landgongdina, vóru tey kannað fyri vápn. Tey vístu seg tó at vera meinaleys. Neyðstøddu flóttafólkini úr Sýria fingu mat umborð á Mærsk-skipinum, sum flutti tey til italsku oynna Sicilia.