Tórførasti dysturin verður í kvøld

Klokkan seks í kvøld spæla Svøríki og Føroyar á Gamla Ullevi í Gøteborg.

Hesin dysturin verður helst tann tórførasti hjá Føroyum, tí svenska landsliðið verður mett sum eitt tað sterkasta í heiminum. 

Svøríki hevur tvær ferðir vunnið HM-bronsu. Fyrstu ferð var í HM í Kina í 1991. Svøríki vann aftur bronsu í HM í Týsklandi í 2011.

FSF.fo skrivar, at áhugin fyri dystinum er stórur í svenskum miðlum. Venjarin, Jón Pauli Olsen og liðskiparin, Malena Josephsen eru nógv eftirspurd til samrøður.

Fyrr í dag vóru 3.000 atgongumerkir seld til dystin. 

mynd: womenssoccerunited.com