Samkynd vígast: Nú kemur uppskotið

Uppskotið um at loyva samkyndum at giftast verður lagt fyri løgtingið um 14 dagar.

Tað eru Rigmor Dam úr Javnaðarflokkinum, Bjørt Samuelsen úr Tjóðveldi, og Poul Michelsen úr Framsókn, sum leggja uppskotið fram

In.fo skrivar, at uppskotið er klárt at leggja fram, men av tí at Poul Michelsen er burturstaddur, verður bíðað at leggja tað fram, til hann er afturkomin. Poul Michelsen umboðar løgtingið á ST-aðalfundi í New York, og  verður aftur í Føroyum um eina viku.

Sambært uppskotinum skulu samkynd kunna giftast borgarligt. Tað merkir, at tað verður ikki álagt kirkjum og samkomum at gifta samkynd.