Nýggja stjórnin somu støðu í makreltrætuni

So leingi nýggj avtala ikki er gjørd, eiga øll londini at halda seg til gomlu avtaluna og ikki taka sær størri kvotu enn býtið í teirri avtaluni sigur.

Nýggi norski fiskimálaráðharrin, Elisabeth Aspaker, hevur alment boðað frá støðu sínari í makreltrætuni.

Eiga ikki at áseta sær størri kvotur

Við tíðindastovuna NTB sigur Elisabeth Aspaker, at einki land eigur av sínum eintingum at áseta sær størri kvotur, sum gera, at meira verður fiskað enn fiskifrøðin heldur vera ráðiligt.

Fiskiskapurin eftir makreli eigur at vera burðardyggur, sigur ráðharrin.

Støðan í norska fiskimálaráðnum móti Føroyum og Íslandi er tí ikki broytt, hóast Norra hevur fingið nýggja stjórn og nýggjan fiskimálaráðharra.