Yvirlækni: Viðgerðir eiga at verða misavnaðar

Tað er hugstoytt, at nýskipanin av heilsuøkinum ikki viðger spurningin um tey trý sjúkrahúsini, og ikki leggur upp til gera broytingar í sjúkrahúsbygnaðinum

Tað sigur Tummas í Garði, yvirlækni og fyrverandi læknastjóri á Landssjúkrahúsinum. Hann heldur, at tað er neyðugt at umskipa uppgávurnar á sjúkrahúsunum fyri at tryggja, at tænasturnar eru nóg góðar.

Samskipa uppgávurnar

Tummas í Garði sigur, at Landssjúkrahúsið hevur arbeitt nógv við at gera mannagongdir og góðskutryggja sínar tænastur í samsvari við altjóða krøv. Hann heldur ikki, at hetta arbeiðið verður tikið í álvara av politisku skipanini, tá ein heilsunýskipan ikki viðger spurningurin um at umskipa uppgávunurnar hjá sjúkrahúsunum

Fyrrverandi læknastjórin heldur ikki bara, at viðgerðir skulu miðsavnast. Hann vísir eisini á vantandi fakligt samstarv millum sjúkrahúsini.

Smáu sjúkrahúsini til endurvenjing

Í heilsunýskipanini verður dentur millum annað lagdur á fyribyrging og endurvenjing. Tað fegnast Tummas í Garði um. Hann heldur at tey smáu sjúkrahúsini hóska væl til hesar uppgávurnar.

Meiri verður at frætta í útvarpstíðindunum.