Eingin peningur at hækka barnafrádráttin

Í verandi fíggjarkarmi eru eingir pengar til at hækka barnafrádráttin í skattinum.

Tað sigur samgongan, sum ikki tekur undir við uppskotinum hjá andstøðuni um at hækka barnafrádráttin úr 6.500 upp í 8.000 kr.

Meirilutin í Fíggjarnevndini mælir frá at samtykkja uppskotið. Meirilutin sigur, at verandi fíggjarkarmar loyva ikki hækking í barnafrádráttinum.  Meirilutin vísir á, at samgongan hækkaði barnafrádráttin 1.000 kr. í fjør, og at landsstýrismaðurin í fíggjarmálum arbeiðir við umleggingum í skattaskipanini.

Flokkarnir, sum eiga uppskotið, siga, at tað fer at kosta landskassanum 21 milliónir at hækka barnafrádráttin upp í 8.000 kr.