Triði hvør veit ikki hvar krossurin skal setast

Hevði løgtingsval verið nú, hevði triði hvør veljari ikki vitað, hvar krossurin skuldi verið settur.

Tað vísir nýggjasta veljarakanningin, sum Lóður hevur gjørt fyri Kringvarpið.

Tað merkir, at hóast andstøðuflokkarnir sambært kanningini fáa 17 tingsessir, so eru tey, sum ikki vita, hvat tey skulu velja, so mong, at teirra atkvøða umboðar ein triðing av øllum tingsessunum, t.e. 10-11 tingsessir.

Kanningin vísir, at fjórða hvørt mannfólk og fýra av 10 kvinnum vita ikki, hvønn tey skulu velja, ella høvdu atkvøtt blankt.