Føroyskar kvinnur liva longst í Norðurlondum

Føroyskar kvinnur kunnu í miðal vænta at liva í 84,6 ár, og tað er hægsti livialdur í Norðurlondum, vísa nýggjastu tølini úr norðurlendsku hagtalsárbókini 2013.

Næstar føroysku kvinnunum eru kvinnurnar í Álandi, sum eisini kunnu vænta at gerast í miðal eldri enn 84 ár, tó tey tølini eru frá 2010.

Menninir í Føroyum kunnu í miðal vænta at gerast 79,6 ára gamlir, men álendskir, íslendskir og svenskir menn kunnu vænta at liva longur. Síðani 1990 er væntaði livaldurin hjá monnum í Føroyum hækkaður 6,5 ár og hjá kvinnum 4,3 ár.

Norðurlendska Hagtalsárbókin fyri 2013 kom út í gjár.