Umhugsa játtanina til fólka- og miðnámsskúlan

Fíggjarnevndin hevur hug at lækka játtanina til fólkaskúlan og miðnámsskúlan næsta ár, men Mentamálaráðið tekur ikki undir við tí.

Fyri viku síðani skrivaði Fíggjarnevndin til Mentamálaráðið og gjørdi vart við, at fólkaskúlin og miðnámið fara at hava avlop í ár. Tað tykist sum fýra milliónir leypa av hjá fólkaskúlanum í ár.

Samstundis er játtanin fyri 2014 hækkað fimm milliónir.

Fíggjarnevndin spyr Mentamálaráðið

Ber ikki til at skerja játtanin í 2014, spyr Fíggjarnevndin.

Um miðnámið sigur Fíggjarnevndin, at tvær milliónir leypa av í ár, og játtanin næsta ár er hækkað 7,5 milliónir.

Ber ikki til at skerja játtanin í 2014, spyr Fíggjarnevndin eisini her. Nei, svarar Mentamálaráðið.

Fólkaskúlin ikki hina sami um játtanin verður minni

Hækkaðu játtanirnar í uppskotinum um fíggjarlóg eru neyðugar, millum annað til lønarhækkingar, svarar Mentamálaráðið.

Mentamálaráðið svarar eisini, at hjá fólkaskúlanum verður avlopið millum tvær og tríggjar milliónir í ár. Og skal fólkaskúlin vera tann sami næsta ár sum í ár, kostar tað 7,5 milliónir krónur.

Hjá miðnámsskúlunum verður einki avlop í ár, sigur Mentamálaráðið.