Løgtingið avgreitt blokkin

Løgtingið samtykti endaliga fyrrapartin, at blokkurin úr statskassanum til Føroya verður 635,4 mió. kr. næsta ár, 3,2 mió. kr. størri enn í ár. 22 atkvøddu fyri og sjey ímóti.

Landsstýrið og danska stjórnin eru samd um, at ríkisveitingin í 2014, 2015 og 2016 verður tann sama sum í ár, men tó prístalsviðgjørd hvørt ár sambært danska prístalinum.

Fólkatingið hevur eisini samtykt uppskotið. Triðja viðgerð og seinasta viðgerð verður í fólkatinginum í morgin.