Bummgjøldini í tunlunum lækka aftur

Á nýggjárinum verður bíligari at koyra ígjøgnum undirsjóvartunlarnar.

Prísurin fyri stakar túrar lækkar niður í 100 kr. fyri túrin, kubbar við 40 túrum fara at kosta 2.000 kr., og kubbar við 20 túrum fara at kosta 1.000 kr.. Lækkingin er ávikavist 200 og 100 kr.

Árshaldini lækka niður í 700 kr. um mánaðin, so gjaldið fyri árið lækkar 600 kr.

Stóru akførini

Fyri størri akfør lækkar prísurin fyri stakar túrar niður í 300 kr. Tá talan er um kubbar við 40 túrum, lækkar prísurin niður í 6.000 kr. og fyri 20 túra kubbar niður í 3.000 kr.. Lækkingin er ávikavist 400 og 200 kr.

Nevndirnar tóku avgerð um at lækka prísirnar, eftir at vøksturin í ferðsluni vaks fimm prosent í Vágatunlinum og góð seks prosent í Norðoyatunlinum fyrstu 11 mánaðirnar í ár.

Verður gongdin sum ætlað, fara790.000 akfør gjøgnum Norðoyatunnilin og 620.000 akfør gjøgnum Vágatunnilin í ár.