Flogfar hjá Atlantsflogi vendi aftur

Eitt flogfar hjá Atlansflogi úr Vágum til Billund tíðliga í morgun, mátti stutt eftir fráferð venda aftur í Vágar, tí tekniskir trupulleikar vóru við flogfarinum. 

Flogfarið, British Aerospace RC470, fór úr Vágum beint eftir klokkan níggju, og hevði bara verið á flogi í eitt korter, tá flogskiparin varnaðist, at okkurt var áfatt. Hann avgjørdi tí at venda aftur í Vágar.

- Strong trygdarkrøv eru í sambandi vi flúgving, og alt var í lagi, áðrenn flogfarið fór á flog, sigur Rasmus Niclasen, trygdarovasti og støðleiðari hjá Atlantsflogi.

Tá teknisku trupulleikarnir vórðu loystir, fór flogfarið úr Vágum um hálvgum tvey tíðina seinnapartin. 

Meiri verður at frætta í útvarpstíðindunum.