Havnin skal hava nýggjan býararkitekt

Tórshavnar kommuna fer nú at seta nýggjan býararkitekt.

Kommunan lýsir í hesum døgum eftir býararkitekti, sum skal hava "hugflog" og "byggilistarligt dirvi", sum tey orða seg í lýsingini. Eisini verður sagt, at býararkitekturin skal mynda byggilistina í Tórshavnar kommunu og skapa arkitektur til fólkið.

Seinast, Tórshavnar kommuna hevði býararkitekt, var tað Mikael Viderø, sum hevði starvið.

Hann hevur í seinastuni funnist at, at kommunan ikki skapar lív í miðbýin við at savna alla fyrisitingina hjá býráðnum í stóra Bank Nordik-bygninginum í Havn.