Runavíkar kommuna væntar 124 mió. í skatti í ár

Býráðið í Runavík hevur samtykt fíggjarætlanina fyri 2014. 

Skattaprosentið verður óbroytt, 22 prosent. Barnafrádrátturin er somuleiðis óbroyttur, og er 5.000 krónur fyri hvært barnið.

Samlaðu skattainntøkurnar hjá kommununi eru mettar at vera 124 milliónir krónur, harvav 13 milliónir krónur eru partafelagsskattur, og eftirlønarskatturin er tríggjar milliónir krónur.

88 milliónir krónur eru settar av til rakstur, og íløgurnar eru 20,5 milliónir krónur.

Samlaða lániskuldin hjá kommununi er 130 milliónir krónur, men gjaldføri er gott, og nettoskuldin er 10 milliónir krónur.