Makrelsamráðingar í London hesa vikuna

Makrelsamráðingar í London hesa vikuna
Norra og ES eru ikki samd um nakað tilboð at hava við til samráðingarnar
 
15.01.2014 - 07:47

Makrelsamráðingar byrja aftur í dag í London.

Ætlanin var, at Norra og ES skuldu hava eitt felags tilboð við til samráðingarborðið í dag, men eingin semja er funnin.

Fiskeribladet/Fiskaren skrivar, at norska stjórnin er ikki sinnað at geva íslendingum og føroyingum meira enn millum átta og tíggju prosent av kvotuni. Maria Damanaki, ES-fiskivinnukommisserur, hevur fyrr skotið upp, at Føroyar fáa 11,9 prosent av kvotuni. 

Ov lítið

Føroyar vrakaðu tilboðið, tí tað var ov langt burtur frá føroyska kravinum. Føroyska kravið er 15 prosent, um makrelurin kann fiskast í sjóøki hjá hinum londunum, ella 24 prosent, um makrelurin bert skal fiskast í føroyskum øki.

Jacob Vestergaard, landsstýrismaður í fiskivinnumálum, hevur sagt, at útlitini fyri semju eru góð, tí partarnar flyta seg nærri hvør øðrum. Samráðingarumfarið sum byrjar í dag, skal eftir ætlan vara til fríggjadagin.

20 samráðingarumfør hava verið, síðan Føroyar kravdu størri part av heildarkvotuni í 2009.

Er kopiera
Nýggjastu sendingar í ÚV
Nýggjastu sendingar í SV
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442