Lortur funnin í dadlupakka

Heilsufrøðiliga starvsstovan boðar í dag - um danska matvørustýrið - frá, at lortur er funnin í einum posa av dadlum.

Talan er dadlur, sum ikki hava stein,  í 200 gramm pakkum av merkinum Anglamark, og dadlurnar eru pakkaðar 22. oktober. Vøran er seld í føroyskum handlum.

Sambært Heilsufrøðiligu starvsstovuni, stavar lorturin helst frá rottu. 

Brúkarin kann lata vøruna aftur í handilin, ella beina hana burtur.