Makrelur: Íslendingar góðtaka 11,9 prosent

Ísland góðtekur 11,9 prosent av makrelkvotuni, bæði íslendska stjórnin og íslendska vinnan.ES hevur boðið Íslandi 11,9 prosent.

Íslendski fiskimálaráðharrin, Sigurður I. Jóhannsson, vildi ikki vátta hetta talið, tá íslendska kringvarpið spurdi hann um tað. Men tá hann so varð spurdur, um 11,9 prosent eru í lagi, svaraði hann, at Ísland kann liva við at fáa 11,9 prosent. 

Ikki bjartskygdur

Jacob Vestergaard, landsstýrismaður, segði við Útvarpið í gjár, at hann er ikki longur eins bjartskygdur og hann hevur verið, nú strandarlondini enn eina ferð samráðast um makrelin. Og íslendski starvsfelagi hansara er heldur ikki bjartskygdur longur. Hann ivast nú í, um nakað kemur burtur úr samráðingunum í London: 

Siguður I. Jóhannsson sigur, at eftir samráðingarnar í London fer Ísland at taka síni stig í makrelmálinum fyri at finna eina loysn.