Heilsutrygd vitjar kommunulæknar og fótarøktarar

Kommunulæknar og fótarøktarar kunnu vænta fólk frá Heilsutrygd inn á gólvið í ár.

Heilsutrygd og Heilsumálaráðið eru samd um, at Heilsutrygd skal gera 12 fráboðaðar eftirlitsvitjanir hjá veitarum í ár.

Hugsað verður um til dømis kommunulæknar og fótarøktarar.

Síðani 1.oktober í fjør umsitur Heilsutrygd kommunulæknaskipanina.

Í ár skal Heilsutrygd vera við í arbeiðinum at tillaga setanar- og lønarviðurskiftini hjá heilsustarvsfólkum, tí kommunulæknaviðtalur skulu umskipast til heilsudeplar.

Læknavaktin skal eisini eftirmetast í ár sambært mál- og avrikssáttmálanum millum Heilsutrygd og Heilsumálaráðið.