Magnus Heinason farin fyrsta túrin

Eftir at hava ligið svínabundin síðani í heyst, leggur havrannsóknarskipið, Magnus Heinason, nú aftur frá landi.

Skipið fer fyrsta túrin í dag.

Fyrsti túrur verður sum vanligt ein hydrografiskur túrur, har hiti, salt og onnur umhvørvistøl verða máld.

Endamálið er at fylgja við broytingunum í havinum kring Føroyar.

Ábyrgd av túrinum hevur Karin M.H. Larsen á Havstovuni, skrivar Havstovan á heimasíðuni.