ES útihýsir sjálvstøðugum Skotlandi

<p>Í teimum førum, eitt nýtt land verður skipað, og tað tekur seg burtur úr tí landinum, sum frammanundan er limur, noyðist nýggja landið at biðja um limaskap í ES, sigur Jose Manuel Barroso.</p>

<p>- Øll limalondini skulu góðkenna umsóknina, og tað er greitt, at tað verður sera trupult at fáa øll limalond at góðkenna eina slíka umbøn, sigur ES-nevndarformaðurin.</p>

<p>18. september verður fólkaatkvøða, um Skotland skal verða sjálvstøðugt land.&nbsp;</p>

<p><strong>Púra burturvið</strong></p>

<p>Í samrøðuni við BBC samanber Barroso støðuna hjá Skotlandi við Kosovo, men tað er burturvið, sigur skotski varaforsetin, Nicola Sturgeon.</p>

<p>- Veruleikin er, at einki ES-limaland hevur boðað frá, at tað fer at nýta sýtingarrættin ímóti, at Skotland verður verandi í ES, sigur varaforsætisráðharrin.</p>

<p>Barroso leggur dent á, at hann leggur seg ikki útí, hvørja støðu skotar taka til sjálvsstýrismálið.</p>