Bakkafrost: Góð útlit í ár

Eftirspurningurin eftir laksi er framvegis stórur í 2014, men útboðið veksur ikki líka skjótt sum eftirspurningurin.Tí eru útlitini hjá Bakkafrosti góð í ár.

Tey, sum kenna marknaðin, meta, at útboðið økist fýra til seks prosent í ár og bara eitt prosent næsta ár.Kanningar vísa, at veksur útboðið seks til átta prosent, verður prísurin óbroyttur. 

Minni útboð

Veksur útboðið minni enn tað, hækkar laksaprísurin. Sambært metingunum veksur útboðið minni enn seks til átta prosent í ár og næsta ár, og tí væntar Bakkafrost betri laksaprís.Miðal laksaprísurin í 2013 var 39,07 norskrar krónur, 35 føroyskar, fyri kilo. 

Bakkafrost hevur longu gjørt søluavtalur um 70 prosent av lidnu vørunum, sum ætlanin er at gera í ár. Prisurin fyri lidnu vørurnar er betri í ár enn í fjør, upplýsir Bakkafrost.