Húsarannsóknir eftir barnaporno

Løgreglan gjørdi í síðstu viku húsarannsóknir í tveimum húsum í Føroyum. Illgruni er um, at ein 35 ára gamal maður hevur havt barnapornografiskt tilfar á teldunum.

Rannsóknir vórðu gjørdar í samstarvi við løgregluna í Danmark, sum samstundis gjørdi húsarannsókn á einum bústaði har.

35 ára gamli maðurin kemur regluliga í hesi trý húsini.

Jón Klein Olsen, varapolitikommisserur, sigur, at hald varð lagt á alla telduútgerð, sum varð funnin undir húsarannsóknini, og serkøn skulu nú kanna útgerðina fyri at staðfesta, um maðurin hevur keypt og selt barnapornografiskt tilfar.