Viðgera nú sjófrágreiðingar um Anitu

Sjófrágreiðingin um vanlukkuna á garnaskipinum Anitu, sum misti ein mann tann 11.februar, gjørdist drúgv. Hon var ikki liðug fyrr enn klokkan sjey í gjárkvøldið.

Skiparin og fýra aðrir av manningini vórðu avhoyrdir, tveir stýrimenn og tveir dekkarar.

Avhoyrdir við tulki

Av tí at skiparin er einasti føroyingur umborð, vórðu hinir fýra avhoyrdir við tulkii. Tí gjørdist sjófrágreiðingin so drúgv.

Tær fimm frágreiðingarnar verða sendar pørtunum og Sjóvinnustýrinum. Sjóvinnustýrið ger av, um meira skal gerast við málið, millum annað, um tað skal meldast til politiið.