J&K byggir vindmyllukoplingarstøðina í Húsahaga

J&K Petersen átti lægsta boðið uppá at byggja koplingarstøðina í Húsahaga. J&K Petersen hevur bjóðað seg til at byggja nýggju vindmyllukoplingarstøðina fyri slakar 16 milliónir krónur.
Articon bjóðaði eisini. Boðið hjá Articon var góðar 16,6 milliónir krónur. Tað sigur SEV í tíðindaskrivi. 

SEV fer nú at meta um tilboðini, áðrenn endalig støða verður tikin til, hvør fær arbeiðið.

Hóast J&K kom við lægra tilboðnum, skulu bæði tilboðini samanberast, áðrenn avgerðin verður tikin. SEV skal tryggja sær, at tað tilboðið, sum verður valt út, veruliga fevnir um arbeiðið, sum er boðið út, sigur SEV.
Arbeiðið fer í gongd, so skjótt avgerðin er tikin, og koplingarstøðin skal eftir ætlan verða liðug um árskiftið.
Koplingarstøðin í Húsahaga skal flyta streymin frá nýggju vindmyllunum út á 60 kiloVatt flutningsnetið hjá SEV. 
Støðin fer at geva høvuðsstaðnum og Suðurstreymoy eina tryggari elveiting, sambært SEV.