100 bátapláss afturat á Argjum

100 nýggj bátapláss eru komin í bátahylinum á Argjum, nú 170 metrar av flotbrúgvum eru lagdir har. Samstundis eru 30 færri teymar í bátahylinum.

Arbeiðið, sum kostar fimm milliónir krónur, er liðugt, og leygardagin klokkan 11.00 verður samkoma við bátahylin á Argjum.

Har fer Sjúrður Olsen, formaður í Vinnunevndini hjá býráðnum, at halda røðu. Bátar fara at sigla og rógva inn í bátahylin við bátinum Tór á odda, og Heðin Mortensen, borgarstjóri, klippir snórin millum bátabrúgvarnar.

1. november í fjør vóru 293 bátaeigarar á bíðilistanum til bátapláss í Tórshavnar kommunu.