E-sigarettir hjálpa tær ikki at leggja av

<p>Roykjarar, ið hava ætlanir um at leggja av at roykja, gera sær sjálvum eina bjarnatænastu, um teir velja sonevndu e-sigarettirnar í vónini um, at tað verður lættari at leggja av at roykja.</p>

<p>Tað er høvuðsniðurstøðan hjá viðurkenda tíðarritinum, JAMA Internal Medicine. Niðurstøðuna hevur tíðarritið bygt á spurnarkanning, har 949 fólk vórðu spurd.</p>

<p><strong>SÍ EISINI <a href="http://kvf.fo/greinar/2014/03/05/los-angeles-bannar-e-sigarettir">Los Angeles bannar e-sigarettir</a></strong></p>

<p>Lýsingar, ið fortelja fólki, at tað verður lættari at leggj av at roykja, um tey skifta til sonevndu e-sigarettirnar, eiga at bannast beinanvegin, sigur ein granskari, ið gjørdi kanningina.</p>

<p><strong>Lýsingar ørkymla fólk</strong></p>

<p>- Lýsingar, ið lova, at tað verður lættari at leggja av at roykja, um fólk skifta til e-sigarettir, skulu bannast, so leingi hetta ikki er vísindaliga prógvað, sigur Pamela Ling, granskari á University of California.</p>

<p>Læknar hava ført fram, at sonevndu e-sigarettirnar eiga at verða skamtaðar eins og heilivágur er í ávísumlondum. USA og Bretland umhugsa í løtuni, at skamta sonevndu e-sigarettirnar fyri at avmrka nýtsluna.</p>

<p>Aðrir granskarar hava ført fram, at tað hóast alt er betri, at fólk roykja sonevndu e-sigarettirnar enn vanligar sigarettir, tí vandin fyri at doyggja er munandi minni við e-sigarettum, <a href="http://www.nature.com/news/electronic-cigarettes-don-t-aid-quitting-stud... target="_blank">skrivar nature.com</a></p>