Kyndil er føroyameistari

Kyndil er føroyameistari í kvinnuhondbólti fyri fyrstu ferð síðani 1999.

Kyndil vann eisini seinnu finaluna á VÍF. Dysturin endaði 14-12 til Kyndil. Hálvleiksstøðan var 5-4 til Kyndil.

Sum úrslitið sigur, vóru tað verjurnar og málverjarnar sum stóðu fyri tí mesta, tí so fá mál eru ongantíð skotin í kvinnukappingini í ár.

Hetta er sætta FM-heiti, sum Kyndil vinnur í kvinnuhondbólti.

Kyndil er greipuvinnari í 2014, tí tær vunnu eisini steypakappingina í februar.

Kyndil - VÍF 14-12 (5-4)

Toppskjúttar, Kyndil: Simona Petersen 5. Bára K. Hansen 4. Turið Arge 2.

Toppskjúttar VÍF: Liljan Djurhuus 4. Agnas Olsen 3. Sóley Hórará 2.