Vann átta heiðursmerki

Føroyski svimjarin Johan Ásmundsson hevur um vikurskiftið vunnið átta heiðursmerki í svimjing Íslandi, har skipað varð fyri opnari kapping um íslendsku meistaraheitini í svimjing.

Jóhan Ásmundsson við gullheiðursmerkjunum              foto: nudlavirkid.com

Talan er um fimm gull-heiðursmerki og trý bronsu-merki.

Teinarnir og heiðursmerkini vóru hesi:

50 metrar bringusvimjing - Gull

50 metrar ryggsvimjing - Gull

100 metrar blandað svimjing - Gull

200 metrar blandað svimjing - Gull

4 x 50 metrar blandað stafettsvimjing - Gull

50 metrar frísvimjing - Bronsu

100 metrar frísvimjing - Bronsu

50 metrar firvald - Bronsu

Johan byrjaði at svimja aftur síðsta summar. Hann var annars givin, tí ein afturvendandi skaði forðaði honum í at svimja. Hesaferð hevur hann verið varin í venjingini og hevur lagt seg eftir at svimja styttru teinarnar, ið ikki leggja ov nógv støðugt trýst á økslina, ið hevur givið honum trupulleikar. 

Johan hevur fingið sera góð úrslit. Í seinastu master-kappingini í Føroyum vann hann allar átta svimjikappingarnar, ið hann luttók í, og aftur nú í Íslandi vann hann altso átta heiðursmerki.