Annika vil hava pengar til vardan bústað

Annika vil hava pengar til vardan bústað
Landsverk hevur mett byggikostnaðin at vera 1,4 mió. kr.
Annika Olsen, landsstyriskvinna, hevur biðið um ráðførslu við Fíggjarnevndina
 
07.05.2014 - 08:58

Landsstýriskvinnan í almannamálum hevur biðið Fíggjarnevndina um ráðførslu um pengar til ein vardan bústað. 

Talan er um vardan bústað, sum skal innrættast soleiðis, at pláss er fyri serligum hjálpartólum. Eingin slíkur bústaður er í landinum.  Í løtuni er stórur tørvur á at útvega tílíkan bústað. Landsverk hevur mett byggikostnaðin at vera 1,4 mió. kr. 

Einki sett av

Einki er sett av til júst hesa verkætlan í fíggjarlógini fyri 2014. Men pengarnir eru til í játtanini hjá Almannamálaráðnum, pengar, sum annars ikki verða brúktir í ár. Teir kunnu tó ikki brúkast til serliga varda bústaðin uttan heimild. Og tann spurningin vil Annika Olsen ráðføra seg við Fíggjarnevndina. 

Almannamálaráðið vil hava, at løgujáttanin til bústovnar í ár eisini umfatar varda bústaðin, sum hevur skund at byggja.
 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214