Ferðaráðið verður partafelag

Breið undirtøka er í løgtinginum fyri at gera Ferðaráðið til partafelagið Visit Faroe Islands.

Tjóðveldi tekur eisini undir við uppskotinum hjá Johan Dahl, landsstýrismanni. Men Javnaðarflokkurin og Sjálvstýrisflokkurin mæla tinginum frá at samtykkja uppskotið.

Samgongan og Tjóðveldi siga, at skal ferðavinnan gerast ein gevandi inntøka og geva arbeiðspláss í framtíðini, er best at leggja hana í alment partafelag. Kortini ivast tey í, um partafelagsformurin er tann rætti ella kann brúkast í hesum føri. Tí ein stórur partur av inntøkuni hjá felagnum fer at koma frá tí almenna og minni parturin frá privatum. 

Og endamálið við felagnum ikki er at fáa yvirskot, men at menna ferðavinnuna í Føroyum.