Ferðafólkatalið setir aftur met í ár

Alt bendir á, at ferðafólkatalið á flogvøllinum aftur fer at seta met í ár.

Tað, sum er farið av árinum, eru sløk 84.860 ferðafólk komin og farin um flogvøllin, samanborið við 81.326 somu tíð í fjør.

Í mai komu og fóru 21.753 ferðafólk um flogvøllin, og vøksturin er 8,5 prosent.

Vøkstur er á øllum leiðum hjá Atlantsflogi, tó ikki íslandsleiðini. Har er eftirspurningin tann sami sum í fjør.