Flogbóltur: Taptu fyri Andorra

Føroyska flogbóltslandsliðið hevur spælt fyrsta EM-undankappingardystin av trimum.

Fyrsti dysturin var ímóti Andorra. Hóast Føroyar vunnu spennandi fyrsta sett 29-27, endaði dysturin 3-1 til Andorra.

Andorra var undan dystinum mett at vera greiður favorittur, men blivu øll fýra settini jøvn.

Settúrslitini vóru 29-27, 21-25, 23-25 og 20-25.

Í kvøld klokkan seks spæla Føroyar móti vertstjóðini, Kýpros.

Hitt landið í føroyska bólkinum er Norðurírland. Dysturin móti Norðurírlandi verður leygardagin klokkan 15.00

Kvinnurnar byrja í dag

Føroyska kvinnulandsliðið í flogbólti luttekur eisini í EM-undankapping. Kappingini er í Reykjavík.

Føroyar eru í bólki saman við Íslandi, Luksemburg og Liktenstein.

Fyrsti dysturin verður ímóti Luksemburg í dag klokkan 16.00