Kanning: Ímóti lægri skatti og brúkaragjøldum

Flestu føroyingar eru ímóti at lækka skattin og fáa fleiri brúkaragjøld.

Tað vísir ein meiningakanning, sum Fólkaflokkurin hevur latið gjørt, og sum Kringvarpið hevur fingið heldur á. 

Ongantíð kunngjørd

Kanningin, sum Lóður hevur gjørt fyri Fólkaflokkin, varð gjørd um mánaðarskiftið apríl/mai, men flokkurin hevur ongantíð almannakunngjørt hana. Í kanningini verða fólk spurd, um tey taka undir við at skatturin lækkar, og vit fáa fleiri brúkaragjøld.

Niðurstøðan er, at yvir helvtin av teimum spurdu - 51 prosent - siga, at tey taka ikki undir við hesum. Tað vil siga, at tey taka ikki undir við at skatturin lækkar, og at fleiri brúkaragjøld verða áløgd.

Ein góður triðingur - 36 prosent - sigur seg hinvegin taka undir við at lækka skattin og fáa fleiri brúkaragjøld.

13 prosent eru hvørki samd ella ósamd.

Menn vilja hava lægri skatt

Flestu av teimum, sum hava svarað, at tey vilja hava lægri skatt og fleiri brúkaragjøld, eru mannfólk. 39 prosent av teimum spurdu monnunum í kanningini vilja hava lægri skatt og fleiri brúkaragjøld, men bara 26 prosent av kvinnunum vilja hava lægri skatt og fleiri brúkaragjøld