Rætturin viðger ránsmálið við BankNordik

Føroya rættur viðger í dag ákærurnar móti tveimum ungum monnum, sum eru ákærdir fyri rán við BankNordik í Húsagøtu seint annað páskakvøld. 

Menninir eru ákærdir fyri at hava rænt pengar frá einum starvsfólki í SMS, sum skuldi lata pengarnar frá matstovunum í SMS í  samdøgursboksina í BankNordik.

Higartil hevur rætturin sett forboð fyri at endurgeva tað, sum sagt hevur verið á teimum rættarfundum, ið verið hava um málið.

Kvinnan, pengarnir vórðu tiknir frá, skal ikki vita, hvat teir skuldsettu, og nú ákærdu, menninir hava sagt, tí hon er vitni í revsimálinum.