Váðasteinur seldur á Toftir

Línu- og garnaskipið Váðasteinur úr Havn er selt inn á Toftir, skrivar Nes kommuna.

Tað var Jóhan í Hoyvík, sum læt skipið byggja á Tórshavnar Skipasmiðju í 1977, og tað er eitt nýstovnað felag á Toftum, sum keypir skipið. Váðasteinur fekk nýggjan motor í 2003.

Váðasteinur fiskar við línu, men hevur eisini garnaloyvi til svartkalva. Váðasteinur er til fiskiskap, so nýggju eigararnir yvirtaka ikki skipið fyri enn hesin túrurin er liðugur. Ætlanin er at yvirtøkudagurin verður á jóansøku, 24. juni.

Tað eru fleiri, sum hava sett pening í nýggja felagið. Martin V. Heinsen er nevndarformaður, og stjóri er Niclas Davidsen, skrivar Nes kommuna.