89.000 kr. at granska námsfrøði í fólkaskúlanum

Nú ber til at søkja um granskingarstuðul úr Fólkaskúlagrunninum. Grunnurin er sjálvsognargrunnur, ið skal veita granskingarstuðul til verkætlanir í námsfrøði innan fólkaskúlaøkið. 

Grunnurin skal serliga stuðla verkætlanum, sum kveikja og menna arbeiðið í føroyska fólkaskúlanum. Stýrið fyri grunnin hevur gjørt av, at tilsamans 89.000 kr. kunnu játtast sum granskingarstyrkur til gransking innan fólkaskúlaøkið.

Stýrið avger, hvørjar verkætlanir verða stuðlaðar, og hvussu stórar stuðulsupphæddirnar verða.

Evstamark at søkja um stuðul úr Fólkaskúlagrunninum er 8.juli, skrivar mentamálaráðið á heimasíðu síni.