Atlantsflog er nú farið úr keypsskálunum

P/f Atlantic Airways er ikki longur børsskrásett felag.

Klokkan fýra seinnapartin mánadagin fór føroyska flogfelagið úr keypsskálunum í Reykjavík og Keypmannahavn.

Tá avgjørt varð, at landið aftur skuldi verða einasti partaeigari í Atlantic Airways, varð eisini avgjørt, at felagið ikki longur skuldi vera skrásett.

Tað kostaði Atlantic Airways 1,4 mió. kr. um árið at vera skrásett í keypsskálunum í Keypmannahavn og Reykjavík.  

Landið eigur nú Atlantic Airways 100 prosent.