Bíða enn eftir makrelkunngerðini

Enn hevur Fiskivinnuráðið ikki fingið makrelkunngerðina til ummælis, og tí fara nakrir dagar at ganga aftrat, áðrenn kunngerðin er klár at seta í verk.

Jóanna Djurhuus, forkvinna í Fiskivinnuráðnum, sigur, at nú er so nógv útliðið, at Fiskivinnuráðið helst fer at viðgera kunngerðina, so skjótt sum hon er komin, men fyribils bíðar ráðið eftir kunngerðini.

Fiskivinnuráðið skal ráðgeva landsstýrismanninum í fiskivinnumálum.

Tað eru umboð fyri ymsar bólkar, sum manna Fiskivinnuráðið. 

Forkvinna er Jóanna Djurhuus, og hinir í nevndini eru: Absalon Hansen, Absalon í Buð, Eyðstein Djurhuus, Herálvur Joensen, Jan Højgaard, Jóhannus M. Olsen og Niels Winther.