Kanna harðskapsmál í Havn

Løgreglan kannar í løtuni eitt harðskapsmál. 

Tað var um seks-tíðina leygarmorgunin, at boð vórðu eftir løgreglu, tí tveir menn vóru í hornatøkum í miðbýnum í Havn. Ein triði maður royndi at sissa menninar og legði uppí. Endin var, at ein teirra datt.

Breyt beinið í fleiri støðum

Maðurin, sum datt, varð fluttur á Landssjúkrahúsið, og tað vísti seg, at hann hevði brotið beinið í fleiri støðum. Hann er framvegis á innlagdur.

Sambært vakthavandi á politistøðini í Havn, eru vitni í málinum, men tey eru ikki avhoyrd enn.