Níggju verkætlanir fáa stuðul úr filmsgrunninum

Níggju filmsverkætlanir hava á fyrsta sinni fingið stuðul úr nýggja filmsgrunninum. 

Tilsamans vóru 22 umsóknir um at fáa burtur av tí hálvu milliónini, sum er sett av á fíggjarlógini til at stuðla film.  

100.000 kr. til Ludo

Filmsfelagið Bye Bye Bluebird og Katrin Ottarsdóttir hevur fingið 100.000 kr. til at gera filmin "Ludo" lidnan. Filmurin er liðugt upptikin, og Katrin Ottarsdóttir hevur seinasta árið roynt at fáa fígging til at gera filmin lidnan. 

Sakaris  Stórá hevur fingið 40.000 kr. til at menna handritið til fyrsta spælifilmin. Ein annar leikstjóri, Anton Petersen, hevur fingið stuðul til ein spælifilm, og Torfinnur Jákupsson hevur fingið 50.000 krónur til at menna ein sjónvarpskrimi. Stuðul er eisini latin til heimildarfilmar, eitt nú ein film um Lítla Dímun og ein film um kolasøguna.