Svimjihøllin í Klaksvík letur upp leygardagin

Svimjihøllin í Klaksvík hevur verið afturlatin í átta mánaðir, men leygardagin lata dyrnar uppaftur.

- Vit hava valt at lata upp aftur nú í summar, sjálvt um okkurt smávegis enn er at fáa uppá pláss, sigur Torkil Mørkøre, leiðari. Arbeiðið, sum eftir er, kann gerast liðugt, hóast Svimjihøllin er opin, og væntandi er alt komið upp á pláss fyrst í september, sigur hann.

Brúsu- og umklæðingardeildirnar eru gjørdar av nýggjum og í høllini er nú eisini kafeteria. Seinni í summar verður fitnesshølið tøkt, verður sagt.