Stuðul til at rudda grót burtur úr innsiglingini

Landsstýrismaðurin í Fíggjarmálum hevur sent fíggjarnevndarskjal, har biðið verður um, at peningur verður fluttur av kontuni "Vegir" til kontuna "Havnir", so arbeiði kann gerast.

Nógv grót liggur við innsiglingina, og tí ber ikki til at brúka havnina í ringum veðri, tá harður streymur er, ella tá tað er stór fjøra, sæst í fíggjarnevndarskjalinum.

Fíggjarmálaráðið biður um 2,1 millión krónur til at fíggja arbeiðið við. Fíggjarnevndin hevur fund klokkan 10.

FAKTA:

Eitt fíggjarnevndarskjal, er eitt skjal, ið verður latið fíggjarnevndini, tá løgtingið ikki er saman, og tá mett verður, at eitt mál hevur skund.