Ólavsøkufyrireikingar á Skálatrøð ávirka parkering

Tórshavnar Ítróttarráð fer aftur í ár at miðsavna virksemi á parkeringsøkinum á Skálatrøð, har eitt stórt tivoli verður sett upp. Av tí at arbeiðið at seta upp er rættiliga umfatandi, verður longu byrjað í kvøld, hóskvøld, skrivar torshavn.fo.

- Vit eru greið um, at tað órógvar parkeringsviðurskiftini í býnum, tá møguleikarnir á Skálatrøð verða skerdir í nakrar dagar. Men hinvegin fáa vit eisini sera nógvar jaligar viðmerkingar frá fólki um, hvussu góð og spennandi ólavsøkan er vorðin.

Kommunan vísur til parkeringsøki í Niels Finsens gøtu, á Glaðsheyggi, Frúutrøð, Eystaru Bryggju, kommunuskúlagarðinum og aðrastaðni við.