Vilja knýta samband við læknalesandi og læknar

Sum liður í menningini av føroyska heilsuverkinum ynskja Landssjúkrahúsið, Suðuroyar sjúkrahús, Klaksvíkar sjúkrahús, Deildin fyri Arbeiðs- og almannaheilsu og Ílegusavnið, at knýta og viðlíkahalda samband við læknalesandi og basislæknar/yngri læknar.

25. juli bjóðar Heilsuverkið læknalesandi, sama hvussu langt tey eru komin við lestrinum ella hvar tey lesa, umframt basislæknar/yngri læknar, sama hvar tey starvast, at koma til kunningarfund á Landssjúkrahúsinum.

Á fundinum verða fylgjandi evnir:

1. Dygdin av antitrombotiskari viðgerð á LS – Haifaa Awad, KBU-lækni greiðir frá.

2. Praktikkmøguleikar fyri læknalesandi, granskingarmøguleikar (bæði sum lesandi og yngri lækni), lesnaður/praktikk uttanlands – innlegg frá læknalesandi.

3. Frágreiðing um útbúgvingarstarvsmøguleikar hjá læknum í Sjúkrahúsverkinum – Sigurð Ó. Vang, sjúkrahússtjóri greiðir frá.

4. Frágreiðing um verandi serlæknamanning og framtíðar ætlanir – Anders Bøgesvang, varastjóri greiðir frá.

Fundurin verður frá kl. 14-15.30  í Veitsuhøllini á Landssjúkrahúsinum, Eirargarður 7.