20 vilja vera stjóri í tunnilsfelagnum

20 umsøkjarar eru til stjórastarvið fyri P/F Eystur-og Sandoyartunlar.

Freistin at søkja stjórastarvið var úti klokkan fýra seinnapartin í gjár 

Talan er um bæði føroyskar og útlendskar umsøkjarar, og umsøkjarar av báðum kynum, sigur Bergur Poulsen, nevndarformaður í felagnum. 

Felagið miðar eftir at hava sett stjóra síðst í hesum mánaðinum, sigur Bergur Poulsen. 

P/F Eystur- og Sandoyartunlar er nýstovnað felag, hvørs endamál er at gera og reka undirsjóvartunlarnar millum Streymoynna og Eysturoynna og millum Streymoynna og Sandoynna.