Sambýli í Sandavági letur aftur

Soppur hevur enn eina ferð gjørt, at tað almenna noyðist at gevast við at brúka ein bygning.

Hesa ferð stóð sambýlið Fobbaklettur í Sandavági fyri skotum. Soppur er staðfestur í húsunum. Og Landsverk metir, at húsini ikki kunnu umvælast. 

Tað sigur Annika Olsen, landsstýriskvinna, í svari til Rósu Samuelsen, løgtingskvinnu, sum spurdi um sambýlispláss í Vágum.

Almannaverkið hevur leigað eini hús í Sørvági at hýsa teimum, sum búðu á Fobbakletti. 

Eitt fólk býr enn á Fobbakletti, men flytur í næstum í sambýlið í Sørvági. 

Annika Olsen sigur, at afturlatna sambýlið í Sandavági fer tó ikki at gera, at færri sambýlispláss vera í Vágum.