Vatnið framvegis dálkað á Signabø

Drekkivatnið á Signabø er framvegis dálkað.

Tórshavnar kommuna sigur í tíðindaskrivi, at og hóast fleiri útskolingar og eina klorering, so eru bakteriur framvegis í vatninum á Signabø.

Niðurstøðan hjá kommununi er, at dálkað vatn á onkran hátt setur inn í drekkivatnskervið. Leita verður eftir brekinum, og kommunan frættir fegin frá fólki á Signabø, um onkur heldur seg vita, hvør orsøkin kann vera.